Katër izraelitë janë vrarë në një sulm me armë pranë një vendbanimi në Bregun Perëndimor. Nga të shtënat mbetën të plagosur dhe katër persona të tjerë, njëri prej të cilëve në gjendje të rëndë. Sipas autoriteteve, ata u qëlluan nga dy palestinezë të armatosur në dy zona të ndryshme. Fillimisht ekzekutorët vranë tre civil në një restorant dhe plagosën katër të tjerët dhe më pas qëlluan për vdekje dhe punonjësin e një benzinate Ushtria izraelite tha se sulmuesit ishin "terroristë të lidhur me Hamasin". Dy agresorët u ekzekutuan. Njëri prej tyre u vra në vendngjarje nga një civil I armatosur ndërsa tjetri u ekzekutua në qytetin Tubas. Kryeministri i Izraelit tha se ngjarja ishte një sulm I pastër terrorist, ndërsa forcat e Hamasait i cilësuan të shtënat një kundërpërgjigje ndaj sulmit ushtarak që forcat izraelite ndërmorën pak ditë më parë ku mbetën të vrarë 6 palestinezë. Që nga fillimi i vitit, më shumë se 160 palestinezë janë vrarë nga forcat izraelite në Bregun Perëndimor të pushtuar, Jerusalemin Lindor dhe Rripin e Gazës. Shifrat përfshijnë militantë dhe civilë. Ndërkohë në radhët e izraelitëve janë ekzekutuar 27 persona.