Nga Lindja e Mesme e deri në Afrikën e Veriut, gjeografia e azilkërkuesve tregon se Shqipëria po hyn gjithnjë e më shumë në hartën e vendeve ku njerëzit kërkojnë strehim dhe mbrojtje. Instituti I Statistikave bën të ditur se janë shtetasit egjiptian ata të cilët udhëheqin kërkesat për azil në Shqipëri me 39.6%, pasuar nga afganistanët 11.8%. Një tregues në rritje janë dhe refugjatët nga palestna të cilët po e shohin shqipërinë si një vend gjithnjë e më të sigurt për të emigruar Një tjetër tregues që bie në sy është përqendrimi i aplikimeve në muajt e verës dhe fillimit të vjeshtës. Gushti, shtatori dhe tetori përbënin së bashku mbi 63% të të gjitha kërkesave për azil, çka lidhet edhe me lëvizjet sezonale të emigracionit dhe rrugët migratore në rajon. E ndërsa më parë vinin më shumë për sezonin e verës vërehet ehe një rritje përqendrimit të punëve sezonale edhe jashtë sezonit. Të dhëna që tregojnë se kontratat e azilkërkuesve janë edhe më aftagjata. Megjithëse numri i azilkërkuesve mbetet i kufizuar, tendenca në rritje tregon se Shqipëria nuk është më vetëm një vend tranziti. Në raste të caktuara, ajo po konsiderohet edhe si destinacion për kërkimin e mbrojtjes ndërkombëtare, duke shtuar përgjegjësitë e institucioneve për trajtimin e këtyre kërkesave.