Kryeministri Edi Rama kritikoi sërish qëndrimet e një gjyqtari për pagat, i cili e kishte cilësuar çështjen si politike dhe si një çështje inati. Rama thotë se politika e pagave është përgjegjësi e qeverisë dhe parlamentit duke kundërshtguar çdo përpjekje për t’i diktuar kuvendit mënyrën se si duhet të votojë. “Kurrë jo, kjo nuk është gjuhë gjykatësi, po gjuhë ultrasi që bërtet në rrugë kundër VAR-it. Askush nuk e zëvendëson dot parlamentin dhe as nuk e urdhëron dot legjislativin se kur duhet ta ngrejë dorën. Vetëm Gjykata Kushtetuese e askush tjetër, ka të drejtën dhe detyrën t’i thotë se kur e ka ngritur dorën gabim, po as ajo vetë nuk i thotë dot kurrësesi pushtetit të pavarur legjislativ se si duhet ta ngrejë dorën” Rama shkon më tej, duke ngritur shqetësimin për mundësinë që shoqatat e gjyqtarëve dhe prokurorëve të përdorin mjete politike dhe juridike për të imponuar rritjen e pagave.