Këshilli i Ministrave ka miratuar rritjen e pagës minimale mujore në Shqipëri, nga 40 mijë lekë në 50 mijë lekë. Vendimi prek drejtpërdrejt rreth 307 mijë e 850 punonjës, të punësuar në sektorin publik dhe privat. Në nëj njoftim në rrjetet sociale Ministrja e Ekonomisë, Delina Ibrahimaj tha se rritja e pagës minimale synon mbrojtjen e nivelit të jetesës, fuqizimin e kapitalit njerëzor dhe përmirësimin e standardit të jetesës për mijëra familje shqiptare. Teksa masa pritet të ndikojë në uljen e informalitetit dhe në forcimin e respektimit të kontratave ligjore në tregun e punës. Kjo është rritja e dytë e pagës minimale në pak vite. Ndryshimi i fundit para këtij vendimi u bë në vitin 2023, kur paga minimale u rrit nga 34 mijë lekë në 40 mijë lekë, si pjesë e politikave për përballimin e rritjes së kostos së jetesës. Rritja e pagës minimale do të nisë nga 1 janari i vitit 2026, dhe për 9 muajtw e parë të zbatimit të saj kostoja e rritur për sigurimet shoqërore dhe shëndetësore nuk do të paguhet nga biznesi por nga shteti.