Presidentja e Kosovës, Vjosa Osmani deklaroi se themelimi i një Asociacioni të komunave me shumicë serbe nuk është kusht për anëtarësimin e Kosovës në Këshillin e Evropës. Ajo sqaroi gazetarët se raportuesja për Kosovën, Dora Bakoyannis, rekomandon se Kosova i ka përmbushur kushtet për t’u bërë anëtare e këtij organizmi me të drejta të plota. “Në qoftë se e lexoni letrën e saj, në veçanti paragrafi i 11-të i raportit, aty është e qartë se kur flitet për Asociacionin, ai përmendet si një prej detyrimeve pas anëtarësimit, pra nuk bëhet fjalë në këtë fazë për themelim të Asociacionit”, u shpreh ajo.