Presidentja e Kosovës, Vjosa Osmani dhe kryeministri polak Donald Tusk u nderuan me Çmimin Evropian të Medias M100 për kontributet e tyre të jashtëzakonshme në mbrojtjen e demokracisë dhe të vlerave evropiane. Kryetari i Bashkisë së Potsdamit në Gjermani, Mike Schubert, ku u zhvillua dhe ceremonia, i quajti ata "pionierë për një Europë moderne dhe të qëndrueshme". Vetë Osmani e cilësoi këtë cmim një “vlerësim për popullin e Kosovës”. Historia e Kosovës është histori e besimit në demokraci. Pavarësisht se sa e brishtë është ndonjëherë, për demokracinë ia vlen gjithmonë të luftohet e se lufta për demokraci nuk është kurrë një luftë individuale, por është një përpjekje kolektive.Ajo na përket të gjithëve ne. Dhe nëse heshtim, nëse tërhiqemi, ndihmojmë në mbjelljen e farave të ndarjes që kërkojnë të rrëzojnë gjithçka që kemi arritur së bashku. Ajo tha më pas për Deutsche Wellen se e sheh këtë cmim mbi të gjitha si njohje për popullin e Kosovës, si një vlerësim të jashtëzakonshëm të luftës së gjatë dhe të vendosur të popullit të saj për liri, demokraci dhe pavarësi.” Osmani u shpreh se ndihet krenare "krenare që me nderimin e saj po nderohet edhe populli i Kosovës dhe arritjet e tij". Të njëjtë gjë pohoi në fjalimin e tij edhe Rudolf Scharping, ish-ministri i mbrojtjes së Gjermanisë gjatë luftës së Kosovës.