Sali Berisha po përgatit strukturat e partisë për një rëndim të pozitës së tij juridike duke thirrur një protestë në dyert e prokurorisë së posaçme. Krahas mbrojtjes ligjore ish kryeministri kërkon edhe mbrojtje politike nga milatantët e Partisë Demokratike. Sekretari i përgjithshëm, Flamur Noka, i ka kërkuar deputeteve demokrat te marrin masa per tu grumbulluar rreth godinës së SPAK ditën kur Sali Berisha për here te pare pas 8 muajsh do shkele jashtë banesës se tij, për tiu drejtuar ambienteve te prokurorisë së posaçme ku pritet ti komunikohet dhe akuza për dosjen Partizani. "Të dashur miq. Ditën e mërkure në ora 12:00 kryetari i Partisë Demokratike Prof. Dr Sali Berisha do shkojë pranë organizatës kriminale të SKAP. Te mobilizohemi të gjithë maksimalisht për protestë të fuqishme solidariteti me të drejtën, me të vërtetën , kundër narko-drejtësisë". Demokratët po bëhen gati për një stine protestash. Porosia e kryetarit të partisë demokratike në Këshillin Kombëtar të premten ishte që protestat të nisin aty ku padrejtësia ndodh, dhe padrejtësia mesa duket për Sali Berishën do të ndodhë të mërkurëm në SPAK, ku pritet te dëgjojë dhe akuzën që do ngrihet ndaj tij.