Alarmi për hantavirusin po përhapet në mbarë botën, me evakuimin e pasagjerëve nga anija turistike. Forcat e Armatosura dhe ato Speciale të Mbretërisë së Bashkuar zhvilluan një operacion të rrallë për të ndihmuar një britanik që kishte shfaqur simptoma të dyshuara të hantavirusit, në një nga zonat më të largëta të globit. Sipas ushtrisë britanike, gjashtë parashutistë, një këshilltar i RAF dhe një infermiere ushtarake kryen një mision special drejt ishullit Tristan da Cunha, në Oqeanin Atlantik Jugor, dhe u hodhën me parashutë për t’i ofruar kujdesin e nevojshëm qytetarit britanik që banonte në ishull. Në videon e shpërndarë në internet shfaqej momenti kur britanikët hidhen me parashuta nga rampa e hapur e avionit ushtarak. Ekipi transportoi pajisje mjekësore, oksigjen dhe ndihma humanitare. Edhe dy britanikë të tjerë janë konfirmuar me virusin, që aktualisht po trajtohen jashtë anijes. Tre persona kanë vdekur nga shpërthimi i hantavirusit, i cili mendohet se është një grup virusesh të bartura nga minjtë.