Komisioneri i Lartë i OKB-së për të Drejtat e Njeriut i bëri thirrje SHBA-së të shfuqizojë sanksionet kundër Gjykatës Ndërkombëtare Penale në Hagë. “Na vjen keq për sanksionet individuale të shpallura dje kundër stafit të Gjykatës dhe u bëjmë thirrje Shteteve të Bashkuara të revokojnë këtë masë. Ne mbështesim plotësisht punën e pavarur të Gjykatës. Gjykata duhet të jetë plotësisht në gjendje të kryejë punën e saj të pavarur”, ishte deklarata e lëshuar nga OKB. Mbështjetja për Gjykatën u shpreh edhe nga Berlini. Një zëdhënës i Ministrisë së Jashtme tha se Gjermania do të vazhdojë të mbështesë Gjykatën Penale Ndërkombëtare, megjithëse është e paqartë se çfarë do të nënkuptojnë për të sanksionet e vendosura nga presidenti amerikan Donald Trump. Ndërsa kancelari gjerman Olaf Scholz u shpreh Trump gabon kur vendos sanksione ndaj Gjykatës Ndërkombëtare Penale, sepse rrezikon një institucion të rëndësishëm. Pas sanksioneve, Institucioni i njohur në Hagë deklaroi se një lëvizje e tillë përbën kërcënim për punën e pavarur dhe të paanshme të tij. Trump i udhëroi sanksionet pasi e akuzoi gjykatën për "sjellje keqdashëse”, duke thënë se ajo "abuzoi me pushtetin e saj". Sipas dekretit të Trump, drejtuesve, punonjësve të kësaj gjykate dhe anëtarëve të afërt të tyre të familjes u ndalohet hyrja në SHBA. Gjithashtu, të gjitha pasuritë që këta persona zotërojnë në Shtetet e Bashkuara, do të ngrijnë.