Sekretari i Përgjithshëm i OKB-së, Antonio Guterres, bëri thirrje urgjente për t'i dhënë fund sulmeve shkatërruese ndaj zonave civile dhe infrastrukturës në Rusi dhe Ukrainë. Përmes një deklarate të lexuar nga zëdhënësi Farhan Haq, OKB dënoi përshkallëzimin e luftimeve, duke i cilësuar këto goditje si një shkelje të qartë të ligjit ndërkombëtar humanitar. Ky reagim i prerë vjen pas një jave të përgjakshme, ku një breshëri raketash ruse lanë të paktën 17 të vdekur në Kiev, ndërsa sulmet ajrore ukrainase shkaktuan viktima brenda territorit rus. Përmes zëdhënësit Farhan Haq, kreu i OKB-së dënoi gjithashtu edhe sulmet e ndërsjella me dronë ukrainas që kanë shënjestruar disa rajone brenda territorit rus. Sipas të dhënave zyrtare të Kombeve të Bashkuara, viti 2026 ka shënuar një rritje të vdekjeve të civilëve, ndërsa lufta më shumë se katërvjeçare nuk ka asnjë shenjë për arritjen e paqes.