Me vendim të qeverisë ndryshon rritja e sigurisë në shkolla. Vendimi i firmosur këtë të enjte përmban kriteret e reja të sigurisë, në bazë të të cilave gjimnazet dhe arsimi i mesëm profesional me mbi 80 nxënës do të kenë 1 oficer sigurie, ashtu si dhe shkollat e bashkuara me mbi 350 nxënës. “Gjimnazet, shkollat e mesme të orientuara dhe shkollat e bashkuara që kanë mbi 900 nxënës do të kenë 2 oficerë sigurie”, thuhet në vendimin e qeverisë, ku sqarohet më tej se “shkollat e mesme profesionale me mbi 700 nxënës të do kenë po ashtu 2 oficerë sigurie”. “Shërbimi i sigurisë publike konsiston në monitorimin nga oficeri i sigurisë në institucionet e arsimit parauniversitar, të përcaktuara në këtë vendim, nëpërmjet ndërveprimit të vazhdueshëm të nxënësve, personelit mësimor dhe komunitetit”, theksohet në vendim. Ndërkohë, pagesat e oficerëve të sigurisë sipas vendimit, do të mbulohen nga Ministria e Arsimit “Numri i oficerëve të sigurisë dhe shpenzimet përkatëse përballohen brenda numrit total të punonjësve dhe fondeve buxhetore, të miratuara për ministrinë përgjegjëse për arsimin”, thuhet në vendim.