Gjendje e jashtëzakonshme është shpallur në rajonin Kursk të Rusisë, pasi një sulm i rrallë ndërkufitar nga trupat ukrainase ka vazhduar për të dytën ditë. Mijëra njerëz janë evakuuar nga zonat kufitare, ka shtuar Smirnov. Presidenti rus, Vladimir Putin, sulmet i ka quajtur provokim dhe e akuzoi Kievin se sulmoi me raketa ndërtesat civile. Duke folur gjatë një takimi qeveritar më 7 gusht, Putini e quajti operacionin ushtarak “provokim i madh”. Ndërsa presidenti i Ukrainës, Volodimir Zelenski, në një video të postuar të mërkurën mbrëma e falënderoi ushtrinë ukrainase, duke i veçuar trupat përgjatë vijës së frontit, si dhe “kudo që po vazhdon mbrojtja kundër ofensivave ruse”. Sulmet e Ukrainës në territorin rus kanë qenë jashtëzakonisht të rralla që nga fillimi i luftës në shkurt 2022. Moska ka thënë se të martën rreth 300 ushtarë nga Ukraina kanë nisur sulm ndërkufitar në një pjesë të frontit që deri tash ishte i qetë. Raportohet se luftimet po zhvillohen në një qytet 10 kilometra brenda Rusisë.