Një objekt misterioz është parë në qiell gjatë kurorëzimit të mbretit Charles III, në momentin e shfaqjes ajrore të aeroplanëve “Red Arrows”. Simon Balson, 59 vjeç po fotografonte shfaqjen ajrore, e cila nuk u zhvillua sipas planifikimeve për shkak të motit me shi, kur vuri re objektin e pazakontë. Fotografi thotë se ai “nuk e ka idenë” se çfarë ishte ai objekt, duke shtuar se kohët e fundit ka pasur “shumë pamje të pashpjegueshme” në zonën e Londrës Lindore, sipas The Mirror. Për shkak të motit të keq që mbretëroi gjatë eventit, ai nuk i kishte kontrolluar fotot deri në mëngjesin e djeshëm kur ka pikasur objektin e pazakontë në ngjyrë të kuqe në njërën prej fotografive. Balson thotë se kur ka parë objektin ka përmirësuar imazhin dhe është përpjekur të rrisë specifikat për të parë se çfarë ishte, duke na treguar se objekti ngjasonte si një gogël pluskuese apo diçka e ngjajshme.