Ish presidenti amerikan Barack Obama e konfirmoi ekzistencën e UFO-ve në emisionin The Late Shoë të CBS me James Corden. Obama në fillim bëri shaka duke rrëfyer se vendi nuk ka laboratorë apo qendra të famshme ku mbahen specie të ardhura nga hapësira apo anijet e tyre kozmike. Por më tej u bë serioz e pohoi se ka regjistrime e pamje objektesh të paidentifikuara, të cilat SHBA-ja nuk i shpjegon dot. “ Kur mora postin, ishte një nga pyetjet e para që bëra. “I thashë, a ekmi vërtet nga këto laboratoret e alienëve, dhe përgjigja ishte “Jo”. Por janë regjistruar objekte për të cilat nuk ka një shpjegim të qartë. Nuk e dimë se cfarë janë… mënyra sesi lëvizin, trajektorja e tyre…ka pasur disa hetime për këtë dhe ende nuk është gjetur një shpjegim”, u shpreh ai. në kohën kur qeveria amerikane po finalizon një raport të shumëpritur mbi këtë cështje, një ish-pilot i marinës së Shteteve të Bashkuara pohoi se takimet me objekte fluturuese të paidentifikuara ishin diçka e zakonshme gjatë viteve të tij në shërbim. Ish-lejtnanti i forcave ajrore Ryan Graves tha në një program televiziv se në fluturimet stërvitore në brigjet e Atlantikut, pilotët hasnin objekte qiellore të paidentifikuara“çdo ditë për të paktën dy vjet” të cilat sipas tij, duhet të shihen si një kërcënim për sigurinë.