Presidenti turk Rexhep Tajip Erdogan kërkon falje për vonesat e grupeve të shpëtimit pas tërmetit të 6 shkurtit, ndërsa vizitoi një nga zonat e goditura më rëndë nga tërmeti. Erdogan, i cili po kërkon një mandat tjetër si president pas dy dekadash në pushtet, ka marrë kritika të forta nga të mbijetuarit e tërmetit. Në zgjedhjet e fundit në vitin 2018, Erdogan mundi me lehtësi rivalin e tij laik të opozitës në atë provincë. "Për shkak të efektit shkatërrues të lëkundjeve dhe motit të keq, ne nuk mundëm të punonim ashtu siç dëshironim në Adiyaman gjatë ditëve të para. Kërkoj falje për këtë," Tërmeti i 6 shkurtit vrau më shumë se 44,000 persona në Turqi dhe mijëra të tjerë në Sirinë fqinje. "Unë nuk pashë askënd deri në orën 14:00 të ditës së dytë të tërmetit," "Pa qeveri, pa shtet, pa polici, pa ushtarë. Turp për ju! Na latë vetë." tha në atë kohë për AFP banori i Adiyaman Mehmet Yildirim. Katastrofa ndodhi pikërisht kur Erdogan po fitonte terren dhe po fillonte të ngrinte shifrat e pëlqimit ndaj tij pas nivelit të ulët qe pati gjatë krizës ekonomike që shpërtheu vitin e kaluar. Menjëherë pas tërmetit, Erdogan kishte pranuar "mangësitë" në trajtimin e katastrofës nga qeveria. Pamjet: AFP