Sekretari amerikan i Mbrojtjes hodhi poshtë marrëveshjet e arritura në fillim të javës me organizatorin e sulmeve të 11 shtatorit, Khalid Sheikh Mohammed dhe dy bashkëpunëtorët e tij për pranimin e fajësisë nga ana e tyre, në këmbim të shmangies së dënimit me vdekje. Të tre të akuzuarit mbahen në burgun ushtarak amerikan në Gjirin e Guantanamos në Kubë. Pentagoni beri te ditur dy dite me pare se ishin arritur marrëveshjet për pranimin e fajësisë nga te burgosurit, por nuk dha hollësi për kushtet. Por vetem dy dite pas ketij njoftimi, shefi i pentagonit firmosi një urdhër ku theksonte se "duke pasur parasysh rëndësinë e çështjes kishte vendosur që autoriteti për të marrë një vendim për marrëveshjet për pranimin e fajësisë, duhet t’i takonte atij. Dhe permes ketij urdheri vendosi anulimin e marreveshjeve. Khalid Sheikh Mohammed është i burgosuri më i njohur në Guantanamo, burgun ushtarak që u krijua në vitin 2002 nga Presidenti i atëhershëm Xhorxh W. Bush për të mbajtur të ndaluar të dyshuarit per sulmet e 11 shtatorit 2001 në Shtetet e Bashkuara. Numri më i lartë i të ndaluarve në Guantanamo ka qe qenë 800, ndersa sot qendrojne atje vetem 30 të burgosur.