“Zero informacione”për marrëveshjen e Giorgia Melonit për të dërguar emijëra emigrantë në qendra pritjeje në Shqipëri. Një zëdhënëse e bllokut, i cituar nga the Guardian, ka rrëfyer se janë informuar për ujdinë, por nuk pranoi të thoshte se kur u ka mbërritur njoftimi i planit të kryeministres italianë Giorgia Meloni, i cili u bë publik një ditë më parë. “Kemi kërkuar informacion të detajuar. Ne duhet të shohim hollësitë e kësaj marrëveshjeje në mënyrë që të mund të jemi në gjendje të bëjmë një vlerësim e të flasim për implikime”, ka thënë ajo. Sipas agjensisë italiane të lajmeve, Ansa, zëdfhënësja Anitta Hipper ka pohuar se janë në kontakt me autoritetet italiane dhe përpara se të bëjnë komente të mëtejshme, duan të kuptojnë saktësisht qëllimin e kësaj nisme. Ajo shtoi se kjo marrëveshje sidoqoftë duket ndryshe nga ajo që Britania pati me Ruandën për të dërguar emigrantë në vendin afrikan. Meloni pohoi një ditë më parë se emigrantët do të zbarkojnë në Shëngjin e pas verifikimit, do të strehohen në një qendër të posacme, e cila nga sa pohuan më pas mediat atje, do të jetë në Gjadër të Lezhës. “Fillimisht flasim për një numër prej 3.000 personash, ndërsa në një vit fluksi emigrator mund të mbërrijë deri në 36.000 persona. Kjo marrëveshje nuk përfshin të miturit, gratë shtatzëna dhe grupet e tjera të ndjeshme”, tha kryeministrja e Italisë, duke sqaruar se vendi i saj do të mbulojë të gjithë shpenzimet.