Tashmë janë pezulluar të gjitha aktivitetet eksploruese të kompanisë OceanGate pas fundosjes së nëndetëses Titan, që rezultoi fatale për pesë personat që u zhytën në fund të Atlantikut. “OceanGate ka pezulluar të gjitha aktivitetet eksploruese dhe tregtare”, njoftoi kompania. Megjithatë, faqja ka ende përshkrime dhe oferta për misionet që ndërmerr, duke përfshirë turneun e mbytjes së Titanikut. OceanGate ka kryer ekspedita të suksesshme në vitin 2021 dhe 2022, si dhe ka 18 zhytje të planifikuara deri në fund të vitit 2023, për të cilat nuk dihet ende nëse do të zhvillohen. Hetuesit kanë raportuar se Titani ka pësuar një shpërthim katastrofik, që i shkaktoi vdekjen personave që ndodheshin në bord. Këto hetime u përqëndruan më shumë në këtë mundësi pasi gjetën mbetje të nëndetëses disa metra larg rrënojave të Titanikut.