Tanke po, avionë luftarakë jo: Berlini nuk dëshiron ta sfidojë fatin dhe pavarësisht gadishmërisë për të ndihmuar Ukrainën me armatime në mesin e agresionit brutal rus, kërkon ta shmangë nga ana tjetër konfrontimin e vet me Moskën. Duhet bërë gjithcka që të pengohet një luftës mes ANTO-s e Rusisë, deklaroi kancelargi gjerman Olaf Scholz, duke theksuar se megjithëse e ndihmon Ukrainën me armë, lufta në fund, mbetet mes saj dhe Moskës. Nuk ka logjikë të diskutohet sipas tij se kush ofron më shumë nëse bëhet fjalë për sisteme armësh. Një gjë e tillë nuk duket serioze, dhe trondit besimin e qytetareve dhe qytetarëve në vendimet shtetërore, theksoi ai, duke i mëshuar nga ana tjetër idesë se fundi i kësaj lufte do të varet nga Putini dhe vendimi i tij për të tërhequr trupat nga Ukraina.