Me afrimin e dimrit, Organizata Botërore e Shëndetësisë theksoi të hënën rëndësinë e të qëndruarit vigjilent pasi rastet e Covid dhe gripit po rriten në Evropë, “Kjo nuk është kohë për tu relaksuar”, tha drejtori i OBSH-së për Evropën, Hans Kluge, në një konferencë për media,. Të 53 shtetet që përfshin OBSH-ja në Evropë, përfshirë Rusinë dhe Azinë Qendrore, janë sërish epiqendër e pandemisë së koronavirus, pasi në to janë regjistruar 60 për qind të rasteve në nivel global, ka thënë Kluge. Në të njëjtën kohë, rastet me grup stinor janë duke iu afruar pikut. Në këtë valë të re të koronavirusit nuk është duke u rritur numri i vdekjeve apo edhe i shtrimit të pacientëve në kujdes intensiv, prandaj OBSH-ja rithekson rëndësinë e vaksinimit. “Vaksinimi mbetet një prej mënyrave tona më efikase kundër grupit stinor dhe koronavirusit”, u shpreh Kluge, duke u bërë thirrje njerëzve që të marrin dozat përforcuese sa më shpejt që është e mundur. Më shumë se 6.5 milionë njerëz kanë vdekur prej shpërthimit të pandemisë në gjithë botën.