Zëvendëspresidenti i SHBA-së JD Vance ka mbështetur Sekretarin e Shtetit Marco Rubio, i cili ka akuzuar Volodymyr Zelensky se është tërhequr nga marrëveshja e mineraleve të rralla. Në një intervistë, Rubio tha se Zelensky ra dakord në parim me marrëveshjen ku SHBA do të merrte një pjesë të mineraleve të rralla të tokës në Ukrainë në këmbim të ndihmës së deritanishme dhe të mëtejshme. Gjatë intervistës, Rubio citoi Zelenskyn, i cili sipas tij tha se Ukraina do ta bëjë këtë marrëveshje sepse bën sens, e vetmja gjë është që duhet ta kaloj përmes procesit legjislativ. “Dy ditë më vonë se Zelensky tha se e refuzoi marrëveshjen dhe se nuk do e bënin atë në asnjë mënyrë, por kjo nuk është ajo çfarë ndodhi në atë takim”, thotë Rubio. Zëvëndëspresidenti amerikan JD Vance ripostoi një video të intervistës, në llogarinë e tij në X, dhe shkroi: “Ajo që Sekretari Rubio po thotë këtu është plotësisht e drejtë”. Zelensky ka argumentuar se marrëveshja nuk është “një bisedë serioze” pasi nuk përfshinte dispozita të përshtatshme sigurie për Ukrainën dhe refuzoi të “shesë” vendin e tij.