Rusia ka deklaruar se nuk do e lejojë Ukrainën të marrë armë bërthamore. Presidenti rus Vladimir Putin thotë se Moska do të përdorë “të gjitha mjetet e shkatërrimit që ka në dispozicion” nëse Ukraina do të marrë ndonjëherë armët bërthamore, sipas agjencisë ruse të lajmeve RIA Novosti. “Ne nuk do ta lejojmë këtë”, thotë presidenti rus. Vërejtjet e tij pasojnë një raport të Neë York Times, javën e kaluar, ku thuhet se zyrtarët perëndimorë po diskutonin një sërë mënyrash se si presidenti amerikan Joe Biden mund të ndihmonte Ukrainën përpara se të largohej nga detyra në janar. Vladimir Putin më parë ka urdhëruar zyrtarët e tij të forcojnë kontrollet kufitare, kjo pas një serie sulmesh me dronë nga Ukraina, për të cilat kreu i shtetit rus akuzon se po ndodhin brenda territorit rus gjithmonë e më shumë. Që prej muajit tetor, Rusia e ka goditur infrastrukturën energjetike të vendit fqinj me raketa dhe dronë, duke i lënë miliona njerëz pa ujë, ngrohje dhe energji.