Sali Berisha do të mund të kalojë oqeanin, pas pesë vitesh “non grata” nga Shtetet e Bashkuara të Amerikës. Departamenti Amerikan i Shtetit konfirmoi për Top Channel se ish-kryeministri dhe ish-presidenti shqiptar, kryetari i Partisë Demokratike, Sali Berisha, është përjashtuar nga ndalimi për të hyrë në Shtetet e Bashkuara. Departamenti i Shtetit argumenton se ky vendim i shërben interesit kombëtar të Shteteve të Bashkuara të Amerikës. “Departamenti i Shtetit ka bërë përjashtime (ëaivers) për disa përcaktime/sanksione sipas nenit 7031(c), të vendosura nga administrata e mëparshme, pasi dhënia e këtyre përjashtimeve i shërben një interesi kombëtar”. Ishte vetë Sali Berisha që në nisje të seancës plenare të së enjtes dha lajmin që kishte marrë nga Uashingtoni. Ai konfirmoi se i ishte komunikuar nga e dërguara e SHBA-së në Tiranë, Nancy VanHorn, heqja e sanksionit amerikan që e ndalonte të kalonte oqeanin bashkë me familjarët e tij. Më 19 maj të vitit 2021 Shtetet e Bashkuara të Amerikës shpallën ish-kryeministrin Sali Berisha dhe gjithë familjen e tij si të padëshirueshëm. Vendimi u njoftua nga Sekretari i Shtetit në atë kohë, Antony Blinken, me motivacionin se ai akuzohej për korrupsion domethënës, përdorim të pushtetit për të pasuruar familjarët dhe aleatët e tij në kurriz të shqiptarëve dhe minim te demokracisë. Berisha nuk e pranoi kurrë ketë vedimin dhe nisi një beteje ligjore kundër Anthony Blinken. Paralelisht, lideri historik i demokrateve nisi betejën politike kundër Lulzim Bashës, që e përjashtoi nga partia, pasi ai u dizenjua si “non grata” nga amerikanet. Me marrjen e kontrollit te partisë dhe rikthimin e administratës së Donald Trump, Sali Berisha nisi lobimin për vendosjen e marrëdhënieve me eksponentë të qeverisë dhe Kongresit Amerikan. Para zgjedhjeve parlamentare te 11 majit, ai firmosi një kontratë lobimi në vlerën e 6 milionë dollarëve, me kompaninë Continental Strategy, për ta ndihmuar në pastrimin e emrit te tij.