Elon Musk dhuroi një shumë rekord prej 289,100 dollarë për Partinë Republikane të Donald Trump në muajin gusht. Kjo është bërë e ditur nga Komiteti Kombëtar Republikan i Kongresit, siç raportohet nga CNN. Pronari i Tesla-s, personi më i pasur në botë me një vlerë neto të vlerësuar mbi 250 miliardë dollarë, ka financuar si demokratë ashtu edhe republikanë në të kaluarën, por asnjëherë shuma kaq të mëdha. Në korrik, Wall Street Journal raportoi se Musk planifikoi të dhuronte rreth 45 milionë dollarë në muaj për të ndihmuar Donald Trumpin të fitonte zgjedhjet. Një lajm që miliarderi më pas e mohoi. Musk wshtw njw nga mbështetësit kryesorë të ish-presidentit republikan, Donald Trump. Miliarderi teknologjik, ka krijuar një aleancë të ngushtë me Trump, pasi ky i fundit i ka ‘premtuar’ se do ta angazhojë sipërmarrësin për të drejtuar një “komision qeveritar të efikasitetit” nëse ai fiton në nëntor .