Konflikti me Iranin, me breshëritë e raketave dhe dronë që fluturojnë nga të dyja palët, nuk e ka penguar ushtrinë izraelite ta mbajë njërin sy të drejtuar edhe nga Gaza, ku të paktën 15 palestinezë janë vrarë e shumë të tjerë janë plagosur teksa prisnin në radhë për ndihma. Sipas burimeve lokale, IDF-ja qëlloi ndaj njerëzve të mbledhur rreth pikave të shpërndarjes së ndihmave të operuara dhe të organizuara nga Fondacioni Humanitar i Gazës. Justifimi i ushtrisë izraelite ishte se hapën zjarr ndaj një grupi njerëzish, për të cilin besonin se përbënte kërcënim për ta. Incidenti e ka shtuar edhe më shumë pështjellimin qe po rrethon prej kohesh ndihmat e shpërndara prej GHF-së; pothuajse cdo ditë thotë BBC, regjistrohen incidente me njerëz të cilët qëllohen për vdekje nga ushtarët izraelitë në pikat e shërndarjes së ndihmave në enklavë.