Në një vit të shënuar nga trazira ekonomike, lufta në Ukrainë dhe pandemia e vazhdueshme Covid-19, dy nga revistat më prestigjioze Time dhe Forbes kanë zgjedhur njerëzit më me ndikim gjatë këtyre 12 muajve. Revista Time ka përzgjedhur presidentin ukrainas Volodymyr Zelensky si njeriun e vitit 2022. Ndërsa të tjerë pretendentë për titullin në këtë revistë përfshinin protestues në Iran, udhëheqësin e Kinës Xi Jinping dhe Gjykatën e Lartë të SHBA. Por Redaktori i revistës tha se vendimi ishte më se i qartë duke parë ato se cfarë ka ndodhur këtë vit. "Në një botë që kishte ardhur duke u përcaktuar nga përçarja e saj, pati një bashkim rreth kësaj kauze, rreth këtij vendi," shkroi Edëard Felsenthal. Revista tha se Zelensky kishte frymëzuar ukrainasit dhe ishte njohu ndërkombëtarisht për guximin e tij në rezistencën ndaj pushtimit rus. “Suksesi i Zelenskit si lider i kohës së luftës është mbështetur në faktin se guximi është ngjitës”, thuhet në deklaratë. Nga ana tjetër revista Forbes ka përzgjedhur Ursula Von Der Leyen, Presidente e Komisionit Evropian si gruan më të fuqishme në botë. Vitin e kaluar, von der Leyen ishte në vendin e 8-të në listën e Forbes të 100 grave më të fuqishme në botë. Këtë vit, ajo qëndron në vendin e parë si rezultat i mbështetjes së saj të fortë dhe vendimtare për Ukrainën, si dhe udhëheqjes së saj të vazhdueshme në sjelljen e Evropës përmes pandemisë së koronavirusit. Pamjet: AFP