Gjatë izolimit të Gjermanisë nga Covid-19, Rabini Zsolt Balla fitoi shumë ndjekës të përkushtuar në internet falë shërbimit online të lutjeve në Facebook. Tani që vendi po rinis hapjen, ai po zë një pozicion të paimagjinueshëm: si kryerabin i ushtrisë gjermane - e para herë kjo në gati 90 vjet, që kur Adolf Hitler i dëboi hebrenjtë nga forcat e armatosura në vitet 1930, thotë CNN. Vetë Zsolt e mësoi vetëm në moshën 9 vjecare që ishte hebre dhe bir i një të mbijetuari të Holokaustit. Një rabin që i bashkohet me krenari ushtrisë gjermane pas orkestrimit të Holokaustit nga nazistët, ky konsiderohet si moment jashtëzakonisht simbolik për komunitetin hebre. Zyrtarët shpresojnë që betimi i tij të hënë në një sinagogë të Leipzigut në Gjermaninë Lindore të nxjerrë në pah fytyrën e hapur dhe të larmishme të forcave të armatosura e të modernizuara gjermane, Bundesëehr. Një zhvillim i tij vjen në sfondin e një serie skandalesh të ekstremit të djathtë brenda ushtrisë dhe policisë gjermane keto vitet e fundit si dhe një rritjeje të antisemitizmit në të gjithë Gjermaninë.Vitin e kaluar forca elitare komando - e njohur si KSK - u shpërbë pjesërisht pasi një raport doli në përfundimin se në radhët e saj kishte element ekstremistë të djathtë, ndërsa një njësi elitë e policisë së shtetit - e quajtur SEK - u shpërbë javën e kaluar pasi disa oficerë të saj kishin lavdëruar nazistët gjatë bisedave në grup në internet.