Dy ditë më parë zv.kryeministrja Belinda Balluku deklaronte se reshjet e shiut që priten në fundjavë do bënin që Shqipëria të shiste energji në eksport ose ta depozitonte në Kosovë, por në asnjë mënyrë nuk do ta shkarkonte. Parashikimi për shiun doli, por për të tjerat jo. KESH nëpërmjet një njoftimi zyrtar ditën e sotme njoftoi se 30% e prurjeve në Kaskadën e Drinit janë shkarkuar, pasi u kalua kuota maksimale e digave. Përveç shkarkimeve, KESH nuk ka prodhuar as me kapacitet të plotë deri në orën 14:00.