Në pasditen e të premtes kanë nisur bisedimet trepalëshe në Abu dhabi. Rusia, Ukraina dhe Shtetet e Bashkuara të Amerikës janë ulur së bashkur në negociata me ndërmjetësimin e Emirateve të Bashkuara Arabe. Bisedimet synojnë të arrijnë hapa konkretë për uljen e tensioneve e deri në përfundimin e luftës në Ukrainë që ka shkaktuar krizë të rëndë prej gati 4 vitesh. Takimet pritet të zgjasin dy ditë, teksa Autoritetet e Emirateve shprehen me besim se këto bisedime do të sjellin progres të dukshëm drejt paqes. Mediat ndërkombëtare raportojnë se delegacioni rus kryesohet nga drejtori i inteligjencës ushtarake, ndërsa pala ukrainase përfaqësohet nga ish-ministri i mbrojtjes dhe zyrtarë të lartë të sigurisë kombëtare. Bisedimet vijnë pasi i dërguari i posaçëm i Presidentit Donald Trump, Steve Witkoff, dhe dhëndri i tij, Jared Kushner, u takuan me Presidentin rus Vladimir Putin për më shumë se tre orë të enjten në mbrëmje. Ndihmësi i Kremlinit, Yury Ushakov, i përshkroi këto bisedime si "jashtëzakonisht thelbësore dhe konstruktive”. Por ai paralajmëroi gjithashtu se “pa zgjidhur çështjen territoriale… nuk duhet të mbështetemi në arritjen e një zgjidhjeje afatgjatë”. Takimet do të zhvillohen gjithashtu të shtunën "nëse është e nevojshme", tha zëdhënësi i Kremlinit, Dmitry Peskov. Nga ana tjetër raportohet se përpara liderëve europianë kryeministrja e Italisë Giorgia Meloni ka marr në mbrojtje presidentin amerikan Donald Trump. Sipas AFP-së Meloni shpreson të nominojë Trump për cmimin nobel për paqe, nëse ai arrin ti jap fund luftës në Ukrainë. Deklarata e kryeministres italiane u bë gjatë një konference për shtyp pas takimit me kancelarin gjerman Friederich Merz, e cila u shpreh se një paqe e qëndrueshme për Ukrainën do të meritonte një vlerësim të tillë ndërkombëtar. Gjatë ceremonisë së firmosjes së Bordit të Paqes në forumin e Davosit, presidenti Donald Trump në fjalimin shfaqi bindjes se një përparim midis Rusisë dhe Ukrainës ishte afër. “Unë besoj se ata janë në një pikë tani ku mund të bashkohen dhe të arrijnë një marrëveshje, dhe nëse nuk e bëjnë këtë, janë budallenj”, tha Trump për Zelenskyn dhe Putinin.