Sezoni i lulëzimit të qershive u çel zyrtarisht këtë të martë, 10 ditë më herët se zakonisht për shkak të klimës më të butë dhe temperaturave më të larta. Sezoni i sakurës ose i lulëzimit të qershisë në Japoni pritet me entuziazëm nga vendasit dhe vizitorët, të cilët ndoqën drejtpërsëdrejti ceremoninë, kur një zyrtar nga Agjencia Meteorologjike Japoneze foli nga faltorja Yasukuni, aty ku ndodhet pema që shërben si sinjalizim.