Mes Izraelit dhe Hamasit nisi armëpushimi që i hapin rrugën lirimit të pengjeve. Sipas zëdhënësit të Ministrisë së Jashtme të Katarit vendi që ndërmjetësoi marrëveshjen24 pengjet e liruar përfshijnë 13 izraelitë, 10 shtetas tajlandez dhe 1 shtetas filipinas. “Të liruarit përfshijnë 13 shtetas izraelitë, disa prej të cilëve janë me dy shtetasi tha Al-Ansari në rrjetin X, i njohur më parë si Tëitter. Pasditen vonë makinat e kryqit të kuq kanë dalë nga Gaza drejt egjiptit, ndërsa Hamasi tha se një grup pengjesh të kapur në sulmin më vdekjeprurës në historinë e Izraelit iu dorëzuan Komitetit Ndërkombëtar të Kryqit të Kuq. Një kolonë me automjete të kryqit te kuq u pa duke kaluar kufirin Rafah nga Rripi i Gazës në Egjipt. "Ekipet e kryqit te kuq dhe gjysmëhënës së kuqe të premten filluan të kryejnë një operacion shumë-ditor për të lehtësuar lirimin dhe transferimin e pengjeve të mbajtura në Gaza dhe të të burgosurve palestinezë në Bregun Perëndimor," tha organizata. Në rolin e saj si një ndërmjetës neutral, gjatë disa ditëve do të transferojë pengjet e mbajtura në Gaza tek autoritetet izraelite dhe përfundimisht familjet e tyre, dhe do t'i transferojë të burgosurit palestinezë te autoritetet në Bregun Perëndimor, për t'u ribashkuar me familjet e tyre gjithashtu do dërohen edhe furnizime mjekësore ne Gaza. Gjatë një armëpushimi katërditor, pritet të lirohen të paktën 50 pengje, duke lënë rreth 190 në duart e militantëve palestinezë. Në këmbim, 150 të burgosur palestinezë pritet të lirohen.