Një ngjarje e rëndë është shënuar në Korçë, ku nënë e bijë u gjetën të pajeta në banesën e tyre në lagjen 17. Mësohet paraprakisht se dera e banesës ka qenë e mbyllur, ndërsa ka qenë zjarrfikësja që ka ndërhyrë. Ata kanë hapur derën duke gjetur të vdekura Eleni dhe Ornela Vangjeli. Nëna ishte në moshën 74-vjeçare, ndërsa e bija në moshën 54-vjeçare. Nga informacionet paraprake bëhet me dije se nëna ka qenë e sëmurë. Nga të dhënat e para, rezulton se viktimat nuk ju ishin përgjigjur në telefon familjarëve të tyre, prej disa ditësh. Fillimisht ka ndërruar jetë vajza dhe më pas e ëma. Nuk dihen ende rrethanat e ngjarjes, ku deri më tani nuk ka dyshime për ngjarje kriminale pasi nuk janë konstatuar shenja dhune apo shenja të tjera. Pritet të bëhet ekspertiza mjeko ligjore për të zbardhur plotësisht rrethanat.