Frenat e drejtimit të inteligjencës shqiptare pas dorëheqjes të Helidon Bendos pritet ti marrë një grua, nëse emri i saj do të pranohet nga presidenti Bajram Begaj. Ajo është Vlora Hyseni ish zëvendës drejtore e agjencisë së sigurisë së Kosovës, aktualisht këshilltare për sigurinë e kryeministrit Edi Rama. Kryeministri Edi Rama e nisi ditën e premte me një takim kokë më kokë me presidentin Bajram Begaj. Fillimisht kabineti kryeministrit tha se ishte një takim rutinë punë ndërsa presidenca dha zerro njoftim për qëllimin e takimit. Por në fakt qëllimi takimit ishte zëvendësimi drejtorit të SHISH. Disa orë më vonë kryeministri Rama tha se “ “Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ Kombëtar”. Me këtë propozim kryeministri thotë se ka besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar. Zonja Hyseni e cila si këshilltare e kryeministrit Edi Rama ka mbajtur një profil tejet të ulët, më 1 Korrik të vitit 2021 me propozim të kryeministrit Albin Kurti u shkarkua nga posti zëvendës drejtores në “Agjencisë së Kosovës për Inteligjencë”. Në këtë post Vlora Hyseni qëndroi për katër muaj. Asnjëherë nuk u bënë publike arsyet e vendimit të kryeministrit Kurti për largimin e saj nga kjo detyrë. Ish-ambasadorja e Kosovës në Shtetet e Bashkuara të Amerikës Vlora Çitaku, e komentoi largimin e Hysenit nga AKI si skandal, paranojë, papërgjegjësi të Albin Kurtit. Në Shtator të vitit 2021, Vlora Hyseni u zgjodh të punonte si këshilltare e kryeminisrtit Edi Rama. Sipas ligjit për shërbimin informativ shtetëror paçka se kryeministri është propozuesi drejtorit të SHISH fjalën e fundit e thotë presidenti me dekretin e emërimit. Natyrshëm edhe me bekimin e partnerëve sidos atyre stacionuar në rrugën e Elbasanit, kontribues e bashkëpunues me SHISH.