Ashtu si shefi i saj Joe Biden, Kamala Harris është gjithashtu e njohur për gafat dhe fjalimet e saj “kaotike”. Oratoria e saj është vënë disa herë në “diskutim”, për shkak të fjalive të pakuptimta që ka shqiptuar, shkruan DailyMail, në një artikull për kandidaten e mundshme të demokratëve. Një nga rastet ka qenë edhe kur Harris ngatërroi Korenë e Veriut dhe Jugut. Ajo kritikohet se ka një sens humori… në vendin dhe kohën e gabuar! Gabimisht ajo tha se 220 milionë amerikanë vdiqën nga Covid-19, duke thënë me shaka se njerëzit e moshës 18 deri në 24 vjeç janë ‘me të vërtetë budallenj’. Harris është e martuar me avokatin e LA, Douglas Emhoff… Por siç shkruan në artikull Daily Mail, ajo është përfolur edhe për një lidhje me demokratin e famshëm të Kalifornisë dhe kryetarin e parë me ngjyrë të San Franciskos Willie Brown, në vitet 1990, kur ai ishte 61 vjeç dhe ajo 31. Sipas tabloidit britanik, ai i dha asaj dhe shtysën për të arritur karrierën që ka sot. “Po, unë mund të kem ndikuar në karrierën e saj duke e emëruar në dy komisione shtetërore kur isha kryetar. Dhe sigurisht që e ndihmova në garën e saj të parë për prokurore qarku në San Francisko”, tha Brown në vitin 2019 në moshën 86-vjeçare. Por, më shumë se një dekadë më parë, vetë Donald Trump dhuroi mijëra dollarë për fushatën e rizgjedhjes së Kamalas, ndërsa ajo ishte prokurore e përgjithshme e Kalifornisë. Tani kandidati republikan këmbëngul se ajo do të jetë edhe më e lehtë për t’u mposhtur se Joe Biden, duke deklaruar: ajo është kaq patetike. Pamjet: AFP