Stranger Things, Wednesday, DAHMER, Bridgerton kanë pushtuar kreun e listës së serialeve më të ndjekura të platformës gjigante të transmetimit. Lista, qëpërfshin dhe filmat më të preferuar, është hartuar në bazë të orëve që përdoruesit kanë shpenzuar për t`I ndjekur ato. Deri në 2021-shin, Netflix ndiqtë një tjetër metodë matjeje të pulsit të audiencës: platforma gjurmonte numrin e llogarive që fillojnë të shikojnë një serial apo film, por që prej atëherë ka ndryshuar strategji duke verifikuar tashmë shikueshmërinë sipas numrit të orëve të shikimit. Në bazë të kësaj metode, u krijua dhe lista e hiteve më të mëdha që janë publikuar ndonjëherë në Netflix. Squid Game e Casa de Papel janë serialet më të pëlqyera në gjuhë të huaj. Nga filmat e huaj vecohen Troll, Blood Red Sky, “Asgjë e re nga fronti I Perëndimit”. Tek ato në gjuhën angleze, dominojnë Red Notice, Don’t Look Up, Bird Box.Netflixi shënoi rritje të numrit të abonentëve në fund të vitit të kaluar.Për shkak të vështirësive ekonomike, ishte parashikuar se shumë njerëz do të hiqnin dorë nga shërbimet e tij. Por platforma e ka përmbysur këtë trend, pasi i janë shtuar shtatë milionë përdorues të rinj, disa herë më shumë sesa e kanë parashikuar analistët.“Viti 2022 ishte i vështirë, me një fillim të vrazhdë, por përfundim të ndritshëm”, tha kompania përmes një deklarate.