Benjamin Netanyahu thotë se plani i Izraelit për të pushtuar të gjithë Rripin e Gazës do të jetë intensiv, me trupa që do të qëndrojnë atje për një kohë të pacaktuar. Kryeministri izraelit thotë se forcat e IDF nuk do të nisin bastisje dhe më pas të braktisin territorin, “por të kundërtën”. Plani përfshin shpërndarjen e ndihmave, megjithëse furnizimet nuk do të lejohen ende. Zyrtari izraelit tha se plani ofensiv i miratuar rishtazi do të zhvendosë popullsinë civile të Gazës drejt jugut dhe do të parandalojë që ndihma humanitare të bjerë në duart e Hamasit. Të dielën, Kombet e Bashkuara hodhën poshtë atë që e quajtën një plan të ri për shpërndarjen e ndihmave në ato që i përshkruan si qendra izraelite. Kjo vjen ndërsa bllokada e Gazës vazhdon, pavarësisht protestave ndërkombëtare dhe situatës shkatërruese humanitare brenda. Ministrat e kabinetit izraelit miratuan planet për ofensivën e re mëngjesin e sotëm, disa orë pasi u njoftua se dhjetëra mijëra ushtarë rezervistë po thirren. Kryeministri Benjamin Netanyahu deri më tani nuk ka arritur qëllimin e tij për shkatërrimin e Hamasit ose kthimin e të gjithë pengjeve.