Kryeministri Benjamin Netanjahu ka hedhur poshtë të gjitha zërat për arritjen e një armëpushimi të mundshëm në Gaza, duke inkurajuar ushtrinë e tij të vazhdonte ofensivën. Kryeministri izraelit deklaroi të mërkurën se nuk do të ketë armëpushim në Gaza deri në "eliminimin" e Hamasit, i cili po lufton me forcat izraelite në territorin palestinez. Netanjahu tha se vetëm ku të lirohen pengjet izraelite mund të quhet e përfunduar e gjithë ofensiva në Gaza. Deklaratat e kryeministrit izraelit erdhën pas udhëtimit që bëri në Kajro, shefi i Hamasit Ismail Haniyeh. Ky i fundit ka biseduar me shefin e inteligjencës egjiptiane Abbas Kamel për të diskutuar një armëpushim të mundshëm në Gaza. Por deklarata e kryeministrit izraelit hedh poshtë cdo diskutim të mundshëm. Netanjahu, në deklaratën e tij shtoi se forcat izraelite po sulmonin militantët e Hamasit "kudo" në Gaza. "Kushdo që mendon se do të ndalemi nuk e njeh realitetin...Kjo luftë do jetë ferri i tyre. Ne gjithashtu nuk do ndalim sulmet ndaj bashkëpunëtorëve të tyre”, tha Netanjahu. Pamjet: AFP