Grupet e shpëtimit e kërkimit në kryeqytetin e Nepalit kërkojnë prej ditësh mes baltës së përmbytjes teksa niveli i ujërave po tërhiqet, duke zbuluar tragjedinë e shkaktuar ne vendin e varfër aziatik. Sot zyrtarët thanë se numri i viktimave prej reshjeve të rënda dhe rrëshktijes së dheut ka arritur në 193 në vendin e maleve Himalaje, ndërsa rreth 30 persona rezultojnë ende të humbur. Lagje të tëra në kryeqytetin Kathmandu u përmbytën nga shirat më të rëndë në dy dekada dhe qendra e vendit u shkëput nga pjesa tjetër për shkak të rrëshkitjeve të dheut në autostrada. “Fokusi ynë është në kërkimin e shpëtimin, duke përfshirë edhe njerëz të bllokuar na autostrada,” tha ministri i brendshëm i vendit. Analistë vendas thanë se përmbytjet ishin përkeqësuar nga ndërhyrjet pranë lumit Bagmati që përshkon në mes kryeqytetin. Ushtria e Nepalit tha se shumë njerëz ishin shpëtuar me helikopterë dhe barka. Një stacion metorologjik pranë Kathmandu regjistroi 240mm shi të rëna në 48 orë, që është masa më e madhe që prej vitit 2002. Vitet e fundit intensiteti dhe ashpërsia e tyre është rritur papritur duke dëmtuar rëndë komunitetet dhe të korrat e tyre. Më shumë se 300 njerëz besohet se kanë vdekur këtë vit në Nepal në katastrofa të papritura të motit, shkruan rrjeti Al Jaseera.