Ushtria amerikane i është bashkuar përpjekjeve për gjetjen e nëndetëses bërthamore indoneziane, të zhdukur me 53 persona në bord. Autoritetet vendase thone se rezervat e oksigjenit te ekuipazhit do te mjaftojne vetëm për disa orë. Nga KRI Nanggala 402 nuk ka më asnjë shenjë që kur u zhduk të mërkurën gjatë një stërvitjeje pranë brigjeve të ishullit të Balit, ndërsa kërkimet e dëshpëruara për të, deri tani nuk kanë dhënë rezultat. Nëndetësja e prodhuar në Gjermani mendohet të jetë zhdukur në ujërat rreth 60 milje larg brigjeve të Balit. “ Ne e njohim zonën por aty është mjaft e thellë, "tha Admirali i Parë Julius Ëidjojono për agjencinë e lajmeve AFP. Disa raporte tregojnë se kontaktet me nendetësën u ndërprenë pasi asaj iu dhë leja të zhytej në ujëra më të thella. Kjo është një nga pesë nëndetëset që operohen nga Indonezia. Ajo është prodhuar nga fundi i viteve 1970 dhe iu nënshtrua një riparimi dy-vjeçar në Korenë e Jugut që përfundoi në 2012, sipas agjencisë së lajmeve Reuters.