Egjipti po vijon përpjekjet për të vendosur paqen mes grupit militant të Hamas dhe Izraelit. Sipas asaj se çfarë raportojnë mediat ndërkombëtare, një delegacion I lart I grupit islamik ka shkuar këtë të premte në Kajro për të shqyrtuar propozimin e ofruar në tavolinë qeveria egjiptiane. Plan ky që bazohet në tre faza dhe që bën thirrje për lirimin e të gjithë pengjeve nga ana e Hamas. Sipas propozimit, palët fillimisht duhet të vendosin armëpushim e më pas të formohet një qeveri palestineze që të drejtojë Gazën pasluftës. Por teksa palët po vijojnë negociatat, izraeli vijoi sulmet ajrore dhe ato tokësore në disa pjesë të Gazës. Luftimet sipas Reuters kanë qenë të ashpra ndërsa nuk janë kursyer as civilët, ku raportohet se humbën jetën tre palestinezë dhe u plagosën shumë të tjerë. Ndërkohë presidenti Macron zhvilloi një bisedë telefonike me kryeministrin izraelit, Benjamin Netanyahu duke I kërkuar atij që të punojë për arritjen e një armëpushimi të gjatë. Kërkesë kjo që më herët tel avivit I është bërë dhe nga shtetet e bashkuara të amerikës.