“Ka ende shumë punë për të bërë dhe Rusia duhet të jetë pjesë e ekuacionit”! Ishte ky mesazhi që Sekretari i Shtetit, Marco Rubio, dha për gazetarët pas raundit të bisedimeve me delegacionin ukrainas, në Florida, që u mbajt të dielën. Sekretari Amerikan i Shtetit nënvizoi se Rusia do të ketë një rol qendror për të luajtur në çdo marrëveshje për t’i dhënë fund luftës me Ukrainën, duke i cilësuar bisedimet e paqes si të brishta pas një takimi të nivelit të lartë midis zyrtarëve amerikanë dhe ukrainas në Miami. “Kjo është delikate, është e komplikuar. Ka shumë pjesë lëvizëse dhe padyshim që ka një palë tjetër të përfshirë këtu që do të duhet të jetë pjesë e ekuacionit”, tha Rubio pas takimit, ku përfshihej i dërguari special Steve Ëitkoff dhe dhëndri i Presidentit Donald Trump, Jared Kushner. Sekretari i shtetit tha se negociatat diplomatike do të intensifikohet këtë javë, me Ëitkoff që pritet të udhëtojë në Moskë për bisedime të mëtejshme.