Lidershipi iranian po i poshtëron Shtetet e Bashkuara, deklaroi kancelari gjerman Friedrich Merz, sipas të cilit administrata e Trump po zvarritet nga Irani në tryezën e bisedimeve. Dy ditë më parë, Donald Trump anulloi një udhëtim të negociatorëve amerikanë në Islamabad për bisedime indirekte me një delegacion iranian. Ndërkohë, edhe raundi i mëparshëm në kryeqytetin pakistanez përpara dy javëve, kur delegacionin amerikane e udhëhoqi zv/presidenti JD Vance, pa rezultate. Iranianët janë dukshëm shumë të aftë në negociata, ose më saktë të themi shumë të aftë në mos-negociata, duke i bërë amerikanët që të udhëtojnë drejt Islamabadit dhe pastaj të largohen pa asnjë rezultat. Një komb i tërë po poshtërohet nga udhëheqja iraniane, veçanërisht nga kjo e ashtuquajtura Garda Revolucionare. Shpresoj që e gjithë kjo të përfundojë sa më shpejt të jetë e mundur.