Kandidatja për deputete e PD-së, Oriela Nebijaj zhvilloi një takim me banorët e njësisë numër 10, në Tiranë, ku tha se votimi elektronik është i sigurt. “Ne do të votojmë elektronikisht. Ashtu siç do të votojë e gjithë Shqipëria në zgjedhjet e ardhshme vendore. Në ekran do të jetë e njëjta fletë votimi. Dhe ju sigurisht do të keni mundësi që përmes votës tuaj përmes numrin 9 të zgjidhni ndryshimin. Dua tju bëj të ditur se duhet të jeni të sigurt, të pashqetësuar dhe të vendosur për të shprehur vullnetin tuaj. Askush nuk ka akses, apo mundësi të lexoj këto pajisje. I bëj thirrje edhe njëherë kandidatit të Partisë Socialiste që pas 25 prillit do t'i mundësojmë pensionin politik, të ndal intimidimet dhe dezinformimin e qytetarëve të njësisë 10 mbi pajisjet elektronike dhe fshehtësinë e votës. Të jeni të bindur të dashur qytetarë që fshehtësinë e votës nuk e lexon dot as Fatmir Xhafa dhe as patronazhistët e tij”.