Duke kujtuar sesi aleatët perëndimorë po “shtojnë praninë e tyre ushtarake në rajon”, Bjellorusia po vendos dhe ajo forca të armatosura në kufirin e Ukrainës. Mediat e huaja citojnë shefin e shtabit të përgjithshëm Viktor Gulevich, të pohojë se Ukraina kishte dërguar rreth 20,000 njerëz afër kufirit me Bjellorusinë e më pas të deklaronte se kjo masë kërkon një “përgjigje”. Në një mesazh në Telegram ai tha se “Grupi i krijuar gjatë 6 muajve të fundit është dyfishuar si në sasi ashtu edhe në cilësi.” Gulevich nënvizoi se trupat janë vendosur në rajon për të “për të garantuar sigurinë e Republikës së Bjellorusisë. “Grupimi i krijuar nga forcat e armatosura të Ukrainës në drejtimin operacional jugor me një numër total deri në 20,000 persona kërkon një përgjigje nga ne”, ishte pretendimi i ngritur prej tij. Lideri autoritar bjellorus, Alyaksandr Lukashenko më herët deklaroi se është duke bërë gjithçka që mundet për të ndihmuar në dhënien fund të luftës së Rusisë kundër Ukrainës, e cila është “zvarritur” më gjatë sesa e ka menduar ai. Në një intervistë për agjencinë e lajmeve, Associated Press, të publikuar më 5 maj ai thoshte se Kievi e ka “provokuar” Moskën, dhe insistonte se ka informacione që tregojnë se Ukraina ka planifikuar të sulmojë edhe bjellorusët.