Një anije e dytë ndihme për Gazën do të niset nga portet qipriote, tha të mërkurën ministri i jashtëm i Qipros. Lufta Izrael-Hamas, tashmë në muajin e saj të gjashtë, ka krijuar një krizë të rëndë humanitare në Rripin e Gazës, ku Kombet e Bashkuara kanë paralajmëruar vazhdimisht për urinë e afërt. Me vetëm një pjesë të vogël të furnizimeve bazë të nevojshme për të mbështetur 2.4 milionë banorët e Gazës të lejuar nga toka, qeveritë e huaja po hedhin ushqime nga ajri dhe tani po përpiqen të hapin korridorin detar nga Qipro. Varka e parë, Open Arms, u nis të martën në një provë për rrugën e re të ndihmës, për të cilën OKB dhe zyrtarë të tjerë humanitarë kanë thënë se nuk ka gjasa të zëvendësojë efektivisht aksesin tokësor. Anija e dytë, "me kapacitet më të madh" se Open Arms, do të niset nga Qirpo. Pasi të jetë afër Gazës, ndihma e transportuar nga Open Arms do të zhgarkohet, e më pas do ta shpërndahet. Një shqetësim i madh për dërgesën është "menaxhimi i turmës", sipas ministrit, të cilët po presin dëshpërimisht ushqimin, me situatën veçanërisht të mprehtë në veri të territorit. Lufta filloi me sulmin e Hamasit të 7 tetorit që rezultoi në vdekjen e rreth 1,160 njerëzve në Izrael, kryesisht civilë, sipas një raporti të AFP-së të shifrave zyrtare. Fushata hakmarrëse ushtarake e Izraelit kundër Hamasit ka vrarë të paktën 31,272 njerëz në Gaza, kryesisht gra dhe fëmijë, sipas ministrisë së shëndetësisë të territorit të drejtuar nga Hamasi. Pamjet: AFP