Renato Hamza është i zhdukur prej qershorit të 2014-ës. Pas shtatë vitesh, nëna e Renatos kërkon nga drejtësia shqiptare të dënohen rrëmbyesit e djalit të saj: “Djalin tim e ka rrëmbyer Indrit Shaqja dhe Denis Xhija. Unë nuk e dija kush ishte ky tjetri Denis Xhija. Ndërsa shefi i krimeve asnjëherë nuk na dha asnjë detaj për ngjarjen. E mori kriminelin Denis Xhijën e futi brenda dhe e nxori për 24 orë. Këta kanë bërë vrasje. Janë vrasës me pagesë, i kam parë në televizor. Unë nuk kisha se nga t’i njihja. Pas kësaj ngjarjeje Denisi vrau dy të moshuara”, thotë Silvana Hamza.