Top Channel/ Në gjurmët e parave të korrupsionit! Kërkohet hapja e një drejtorie për gjetjen e tyre

Ministria e brendshme dhe policia e shtetit kërkojnë hapjen e një drejtorie të posacme , e cila do të gjurmojë dhe idenifikojë të ardhurat, pasuritë dhe cdo përfitim tjetër pasuror që krijohet nga krimi dhe korrupsioni. Në një projektligj të shpërndarë në fillim të këtij muaji të gjitha palëve, përfshi edhe SPAK; kërkohet të krijohet Zyra e Rikuperimit të Aseteve të krijuara nga veprimtaria kriminale, të cilat mund ti nënshtrohen ngrirjes së përkohshme. Në nenin 19 të projekligjit propozohet që Prokuroria e pëgjithshme dhe SPAK duke caktuar pika kontakti, të njoftojnë ZRA për letërporositë që dërgohen jashtë vendit dhe që kanë të bëjnë me ngrirjen dhe sekuetsrimin e përkofshëm të këtyr aseteve. Të njëjtën gjë duhet të bëjë edhe agjensia e pasurive të konfiskuara.