Një autokolonë prej 20 kamionësh e Gjysmëhënës së Kuqe egjiptiane me ushqime, ilaçe dhe ujë, hyri në Rripin e Gazës të shtunën nga pikëkalimi i Rafahut në kufirin me Egjiptin. "Këta kamionë duhet të lëvizin sa më shpejt të jetë e mundur në mënyrë të qëndrueshme dhe të sigurt nga Egjipti në Gaza," tha Sekretari i Përgjithshëm i OKB-së Antonio Guterres në një takim të nivelit të lartë në Kajro. Pas hyrjes së dihmave reagoi edhe sekretari amerikan i shtetit entony Blinken i cili falënderoi Egjiptin, Izraelin dhe Kombet e Bashkuara për lehtësimin e tranzicionit. Megjithatë, sipas asaj që raporton korrespondenti i Al Jazeera, ushtria izraelite nisi një bombardim të rëndë në Rafah. Sekretari amerikan kërkoi të mbante vendkalimin hapur për të lejuar kalimin e vazhdueshëm të ndihmave Kamionët po qendronin prej disa ditësh pranë Rafahut në pritje të hapjes së kufirit për të transportuar ndihma për më shumë se 2 milionë banorët e Gazës. Kjo ishte hera e parë që lejohet hyrja e ndihmës në Gaza që kur Hamasi ndërmori sulmin e pashembullt ndaj Izraelit më 7 tetor që shkaktoi vdekjen e rreth 1,400 vetëve. Izraeli u kundërpërgjigj me një fushatë bombardimesh dhe një bllokadë totale të Gazës. Më shumë se 4000 palestinezë janë vrarë. Izraeli ka paralajmëruar për një ofensivë nga toka. Programi Botëror i Ushqimit tha se tre nga kamionët e tij me ushqime të nevojshme ishin pjesë e autokolonës. Organizata Botërore e Shëndetësisë tha se kishte dërguar katër kamionë me paisje mjekësore për në Gaza. Pas lejimit të ndihmave thuhet se vijojnë kontaktet e vazhdueshme" me ndërmjetësit arabë, Egjiptin dhe Katarin, për lirimin e pengjeve të tjera civile. Dy pengjet e para të liruara ishin dy shtetase amerikane, nënë e bijë. Pamjet: AFP