Parlamentit të Shqipërisë në muajt në vazhdim do t’i duhet të ndryshojë 41 ligje aktuale duke i përshtatur me ato të BE për të avancuar me mbylljen e kapitujve ne kuadrin e negociatave për anëtarësimin në Bashkimin Europian. Lista me 41 ligjet që duhen amenduar, pritet t’i vihen në dispozicion opozitës nga kryetari grupit parlamentar të PS Taulant Balla pas premtimit publik në seancën e së martës. Top Channel e disponon listët e plotë të projektligjeve që duhen miratuar dhe fokusi është përmirësimi i procedurave të prokurimit publik, përfshirë dhe tenderat në fushën e mbrojtjes së sigurisë, ku ka pasur debate kohët e fundit. Po ashtu një nga projektligjet është dhe ai i pastrimit të parave si dhe problemi i përhershëm i ligjit për financimin e partive politike. Në funksion të mbylljes të KAPITULLIT 17 Politika Ekonomike dhe Monetare duhet të miratohet Projektligji "Për Bankën e Shqipërisë" Për të realizuar kërkesat e KAPITULLI 4 - Lëvizja e Lire e Kapitali Ministrisë së financave do ti duhet të miratojë ndryshimet për Projektligjin “Për Parandalimin e Pastrimit të Parave”. Mbyllja e KAPITULLIT 5 kërkon ndryshime në ligjin "Për Prokurimin Publik". Por nuk mbaron me kaq Shqipëria do të duhet të tregojë kujdes në përafrimin e legjislacionit për “Për prokurimet në fushën e mbrojtjes dhe të sigurisë” KAPITULLI 16 – Tatimet, i kërkon Shqipërisë të ndryshojë ligjin "Për bashkëpunimin administrativ në fushën e tatimeve dhe shkëmbimin e informacionit tatimor. Për të avancuar me KAPITULLIN 15 duhet të miratohet Projektligji “Për krijimin, mbajtjen dhe menaxhimin e rezervave minimale të sigurisë të naftës bruto dhe nënprodukteve të saj". Ministria e Infrastrukturës dhe Energjisë në kuadër të KAPITULLI 14 – Politika e Transportit i kërkohet një ndryshim thelbësor i ligjit aktual “Për transportin e mallrave të rrezikshme”. KAPITULLI 10 - Shoqëria e Informacionit dhe Media kërkon përafrimin e ligjit “Për komunikimet elektronike në Republikën e Shqipërisë” me fokus projektligjin “Për rregullat e harmonizuara mbi inteligjencën artificiale” NË KAPITULLIN 32 - Kontrolli Financiar, për të arritur standardet legjislative të BE kërkohen ndryshime në Kodin Penal. Ndryshimet e kërkuara për KAPITULLI 23 - Gjyqësori dhe të Drejtat Themelore përfshinë nevojën e miratimit të dy projektligjeve “Për financimin e partive politike” dhe “Për donacionet dhe sponsorizimet”.