Një pilot u hodh nga dera e një aeroplani në lëvizje për të gjetur vdekjen e menjëhershme, duke e lënë studenten që po i mësonte të fluturonte ta ulte avionin vetë. Instruktori i fluturimit Leandro Andrés Bertazzo, 42 vjeç, u gjet i vdekur pas incidentit, i cili ndodhi në Toledo, sipas një deklarate nga prokurori publik i vendit. Bertazzo ishte në bordin e avionit me një studente 22-vjeçare me emrin Rosario, raportoi agjencia TN e lidhur me CNN. Studentja tha se Bertazzo i tha asaj: “E di çfarë duhet të bësh, tani vazhdo vetë”, përpara se të hiqte kufjet dhe rripin e sigurimit, të hapte derën dhe të hidhej nga avioni. Eduardo Álvarez, drejtor i shkollës së fluturimit Flying Parrot Córdoba ku punonte Bertazzo, i tha TN se nuk kishte shenja që piloti po planifikonte të hidhej nga aeroplani. Bertazzo kishte udhëtuar me aeroplan me një student tjetër më herët atë ditë, tha Álvarez. “Ai e mori këtë vendim tragjik në bordin e një avioni me një person tjetër në krah”, tha ai. “Është e pamundur ta mendosh ose ta kuptosh, por mendja njerëzore është kaq komplekse”. Studentja arriti ta ulte aeroplanin në mënyrë të sigurt pavarësisht se ishte në “shokun e plotë”.